Kriza e të lexuarit

Sot një ditë e veçantë informuese dhe argëtuese për Bibliotekën e Tetovës së bashku me nxënësit e Shkollës Fillore “Aleksandar Zdravkovski” në fshatin Jegunovcë.

Në kuadër të projektit “Kriza e të lexuarit”, dhuruam një numër të konsiderueshëm librash, kryesisht lektyra shkollore, për nxënësit e kësaj shkolle.

 Kriza e të lexuarit është një problem global që mbase kërkon përkushtim edhe më të madh nga çdokush, duke nisur nga familja, shkollat, institucionet kulturore siç janë edhe bibliotekat.

 Femijët u njohën me larminë e pafund të librave për femijë, ndaj ju bejmë thirrje të rregjistrohen të gjithë dhe të lexojnë sa më shumë!

 Mikpritja e ngrohtë e stafit të shkollës, dashuria e sinqertë dhe gëzimi i fëmijëve na jep kurajo që edhe më tej të vazhdojmë me takime më të shpeshta edhe me nxënësit e shkollave tjera.

 Ky projekt financiarisht u mbështet nga Министерство за култура / Ministria e Kulturës