Денес имавме прекрасен ден во нашата библиотека. Заедно со учениците од ОУ „Гоце Делчев“ – Тетово од прво и трето одделение и одделенските раководители Соња Трифуновска и Стефанка Николовска организиравме настан за презентација на звучните записи.
Учениците го слушаа звучниот запис на книгата „Басни“ – од Езоп креиран и поставен од НУ библиотека „Кочо Рацин“ – Тетово.
Учениците анализираа неколку басни со ликови од книгата, направија мало театарче – драматизација на басните и презентација на гатанки за ликовите во басните.
На крајот на средбата учениците имаа прошетка низ библиотеката и се запознаа со начинот на функционирање на истата.
Благодарност до ОУ „Гоце Делчев“ – Тетово за соработката во реализација на овој проект!
MK 
SQ 
EN